Hoxe dixeches meu nome e unha miríada de paxaros azuis acariñou os meus ouvidos.

Hoxe dixeches meu nome e fun en ti por un intre súpeto.

Hoxe dixeches meu nome e nacín de novo para voltar a morrer

Hoxe dixeches meu nome e saín do cadaleito só para voltar a escoitalo

Hoxe dixeches meu nome, o verdadeiro, e soou tan doce coma sucre azucarado.

Hoxe dixeches meu nome bautizándome de sal  e de lume e de prebe.

Hoxe dixeches meu nome e fun vimbio mexéndome nas túas cordas vocais

Hoxe dixeches meu nome e fuches ti o que chamou por mín.

Hoxe dixeches meu nome . Hoxe dixeches meu nome.  Hoxe dixeches meu nome

O día que me chames “meu amor” choverán estrelas esquecidas.

Hoxe dixeches meu nome e foi unha película muda todo o tempo posterior.

Hoxe dixeches meu nome e eu debezo por voltar a escoitalo.

Hoxe dixeches meu nome e foi coma se o dixeras por primeira vez.

Hoxe dixeches meu nome e sentín que ninguén me chamara antes ca ti.

Hoxe dixeches meu nome e eu lembrei que houbo un día no que te amaba.

Hoxe dixeches meu nome …¡Terrible maleficio o don de coñecernos!

Hoxe dixeches meu nome. Hoxe dixeches meu nome. Hoxe dixeches meu nome.

 O día que me chames “meu amor” nevarán frores violetas.