Quérote dese xeito desesperado

que chega a arrastrar marismas e montañas

que trae o mar ó cabo das brañas

e o sol nos amence un día no faiado.

Calei IV (Photo credit: Tamara van Molken)

Quérote dese xeito desesperado

que non teme, nin oculta nin engaña.

Amor maiúsculo, AMOR, amor fazaña

Amor sen esperanza, defenestrado.

Unha estaca no meu corazón vampiro

clavaches onte, con alevosía.

Calei. Non deixei caer nin un suspiro.

Así chegou o minuto que eu máis temía.

Choro e coma sempre, dende lonxe miro

á esperanza morrendo na algarabía.